7.6 për qind më shumë makina të shitura

(KEYSTONE/Salvatore Di Nolfi)

Në vendet e BE-së u shitën më shumë makina sërish në muajin maj. Pothuajse 1.4 milionë makina u regjistruan në trafik, tha Shoqata e industrisë së automobilave. Kjo është 7.6 për qind më shumë se në maj të vitit të kaluar.

Të gjitha tregjet kryesore evropiane kanë regjistruar rritje: Gjermania, Spanja, Franca dhe Italia. Vetëm në Britaninë e Madhe pati një rënie në regjistrimet e reja, shkruan albinfo.ch.

Në Zvicër dhe në Principatën e Lihtenshtajnit ka gati 9 për qind më shumë makina në trafik në muajin maj. Kjo është rritja më e madhe në pesë vjet, siç raportohet në fillim të këtij muaji nga Shoqata e Importuesve të Automobilave.