Integrimi
Ermira Zyrakja-Lefort, koncert recital me piano në Gjenevë
Zyrakja shprehet e lumtur për rastin që i jepet për të luajtur vepra të kompozitprëve shqiptarë.

Pianistja e njohur shqiptare me qëndrim në Gjenevë të Zvicrës, Ermira Zyrakja-Lefort më 24 qershor do të ketë një koncert recital me vepra klasike të kompozitorëve shqiptarë.
Ky koncert bën pjesë në agjendën e festës 3 ditore të muzikës, organizuar nga qyteti i Gjenevës.
Zyrakja shprehet e lumtur për rastin që i jepet për të luajtur vepra të kompozitprëve shqiptarë. Këtë ndjenjë ajo e shpreh edhe në tekstin e afishes së koncertit: “Nëse do të jesh internacional, këndoji vendit tënd” thotë Beethoven. Dhe kjo nënkupton, bëj të njohur artin e vendit tënd, saktëson Ermira Zyrakja.
Rreth kompozitorëve që do t`i interpretojë në këtë koncert, Zyrakja-Lefort në prononcimin e saj për albinfo.ch thotë: “Kam zgjedhur disa vepra të kompozitorëve shqiptarë për piano si T. Harapi, Ç . Zadeja, K.Lara etj ndër më përfaqësueset e repertorit pianistik. Kjo, për nostalgji për vendin dhe muzikën klasike shqiptare por dhe për të kontribuuar në njohjen e veprave të këtyre kompozitorëve të talentuarDuke u nisur nga përshtypjet admiruese për muzikën tonë klasike me koncertet recitale në Londër, Qipro, ShBA, Dublin, Greqi, Francë, vendosa ta prezantoj dhe në Gjenevë me rastin e Festës së Muzikës.
Në këtë muzikë, publiku zviceran do të ndjejë emocionin e tonaliteteve dhe ritmeve që kompozitorët shqiptarë kanë marrë e janë frymëzuar nga muzika tradicionale instrumentale e këngët popullore. Mund të thosha që gati gati kanë bërë të “bindet” piano si instrument klasik, për të riprodhuar sonoritete speciale të instrumenteve si çiftelia e daullja…”, shprehet më tutje pianistja shqiptare për albinfo.ch. “Veprat e zgjedhura do të përcjellin karakterin epik e lirik, simbolikën legjendare ,tipike shqiptare që vazhdojnë të jetojnë e të jenë si burim krijimi. Kjo muzikë e pasur e origjinale që eshtë E Jona Muzikë, do jetë mbresëlenëse,siç e meriton, për spektatorin këtu”, thotë Ermira Zyrakaj Lefort në fund.
Koncerti mbahet më 24 qershor, e shtunë, me fillim në orën 16e 40 a l`Abri, Salle 1, Place de la Madeleine – Genève – Vieille ville. Hyrja është falas.
Info rreth ngjarjes
- Data e fillimit24 Qershor 2017
- Ora16:40
- LokacioniGjenevë
- Data e përfundimit14 Qershor 2017 - 20:00
Të tjera nga Integrimi
E-Diaspora
-
Itali: 20 vjeçari shqiptar plagoset rëndë me thikë 20-vjeçar me origjinë shqiptare është goditur me thikë në gjoks dhe në bark....
-
Ka ushtruar dhunë mbi gruan: Kosovari lejohet të qëndrojë në Gjermani, për shkak të martesës!
-
Mërgimtarit nga Suedia i vidhen mijera euro, stoli ari dhe dokumente në Kosovë
-
Enesi shënon sukses në Implantologji dhe Rigjenerim Kockor në Universitetin e Romës
-
Halili+Partner Ingenieure nga Zvicra vlerësohet në Oman me vendin e dytë
Jeta në Austri
-
Austri: Nga viti 2026, mbrojtje më e fortë për punonjësit ndaj të nxehtit ekstrem Punonjësit që punojnë në ambiente të hapura do të përfitojnë nga mbrojtje më e mirë ndaj...
-
Borxhi i Austrisë arrin në 412.6 miliardë €
-
Austri: 27% e të rinjve me prejardhje migrante braktisin herët shkollimin
-
Gjermania do të ndjekë shembullin e Austrisë dhe do të deportojë sirianët e dënuar
-
Banka Qendrore e Austrisë instalon bankomate për të kapërcyer hendekun rural të parave të gatshme