Zviceranët kundër anëtarësimit në BE dhe NATO

Shumica e zviceranëve duan që vendi i tyre të ndjekë një politikë të neutralitetit dhe pavarësisë ekonomike. Vetëm 19% e qytetarëve janë për anëtarësim në NATO dhe vetëm 15%  “për” anëtarësim në Bashkimin Evropian. Kështu thuhet në raportin vjetor të publikuar në Bernë “Security 2017”, përcjell albinfo.ch.

“Përqindja e njerëzve që kanë një qëndrim të favorshëm ndaj anëtarësimit në Bashkimin Evropian apo NATO-s, është shumë e ulët,” vuri në dukje hulumtimi. Krahasuar me vitin e kaluar, numri i atyre që dëshirojnë të bashkohen me BE, është ulur me 1%. Në të njëjtën kohë, 81% e qytetarëve zviceranë kanë miratuar bashkëpunimin ekonomik me BE-në, i cili është partneri kryesor tregtar i republikës Alpine. Sa i përket NATO-s, si vitin e kaluar, bashkimi me Aleancën e Atlantikut të Veriut e kanë mbështetur 19% e të anketuarve. “Neutralitetin” ende e preferojnë gati 95 për qind të popullsisë.