Më pak firma të falimentuara në Zvicër

Në katër muajt e parë të vitit, 1497 kompani falimentuan në Zvicër. Kjo është tre për qind më pak se në vitin paraprak. Në të njëjtën kohë, u krijuan më shumë kompani të reja.

Këto të dhëna i ka publikuar Shërbimi Ekonomik “Bisnode B & D”. Numri i rasteve të falimentimit është rritur megjithatë në Ticino. Ndërmjet janarit dhe prillit, 124 kompani nuk ishin në gjendje të paguajnë, një rritje prej njëmbëdhjetë për qind gjatë vitit të kaluar. Edhe falimentimet u rritën në Zvicër qendrore (+6 për qind) dhe në pjesën qendrore (+4 për qind), transmeton albinfo.ch.

Rreziku i falimentimit është veçanërisht i lartë, sipas studimit në sektorin e ndërtimit, ku rreziku i falimentimit është tri herë më i lartë në mesataren zvicerane. Por, edhe industria e mikpritjes dhe tregtisë janë të ndikuar fuqimisht nga rastet e falimentimit.

Nga ana tjetër  14,267 kompani të reja janë regjistruar në regjistrin tregtar në katër muajt e parë të këtij viti, tre për qind më shumë se në vitin e kaluar. Kishte më pak fondacione të reja vetëm në Ticino dhe Zvicër Lindore (-3 për qind secila).