Vajzat myslimane në mësimet e notit bashkë me djemtë

Gjykata Evropiane për të Drejtat e Njeriut ka refuzuar ankesën e prindërve myslimanë në Basel të Zvicrës, të cilët kanë akuzuar për shkelje të lirisë së tyre fetare.

Kështu ka vendosur Gjykata Evropiane për të Drejtat e Njeriut në Strazburg që vajzat myslimane nuk duhet të pengohen në mësimet e notit që të jenë bashkë me djemtë e klasës. Gjykatësit e Strasburgut nuk e panë gjobën si shkelje të lirisë së besimit. Një familje turke nga Zvicra kishte ngritur akuzën në Zvicër, përcjell albinfo.ch.

Prindërit myslimanë nga Bazeli i Zvicrës donin të arrinin me vendim gjyqi, që vajzat e tyre në Zvicër të mos ishin pjesë e mësimit të notit në klasën me djemtë, sepse besimi i tyre ua ndalon këtë. Familja kishte marrë gjobë me 1400 franga në vitin 2010, sepse nuk i lejonte vajzat të shkonin në mësimin e notit. Por akuza e tyre u rrëzua nga Gjykata për të Drejtat e Njeriut në Strasburg.

Autoriteteve zvicerane u lejohet të vlerësojnë më lart detyrimin shkollor dhe integrimin e fëmijëve se dëshirën religjioze të prindërve për t’u liruar nga mësimi i notit, thanë gjykatësit evropianë.

Gjykatësit e Strasburgut nuk e panë gjobën si shkelje të lirisë së besimit. Ata argumentuan se shkolla luan rol parësor në integrimin social, veçanërisht për fëmijët me origjinë të huaj.