Rritet numri i viktimave në shpërthimet në Stamboll

Të paktën 38 njerëz kanë vdekur në shpërthimet natën e shtunë në Stamboll të Turqisë, transmetojnë mediat turke. Reuters ka raportuar 13 të vdekur dhe televizioni turk NTV raportoi se përveç viktimave, raportohen 38 të plagosur.

Dy shpërthime të fuqishme tronditën Stambollin të shtunën në mbrëmje në afërsi të arenës “Vodafone”, në pjesën evropiane të qytetit. Raportet thonë se viktimat ishin kryesisht oficerë policie.

Sipas njohurive të tanishme, në shënjestër të sulmit të një makine bombë ishte autobusi që bartte policë për të siguruar ndeshjen e futbollit mes Beshiktashit dhe Bursa (2:1), e cila përfundoi me shpërthime.

Turqia përballet me një varg sulmesh terroriste, të cilat i marrin përsipër militantët islamikë të ISIS-it dhe kurdët. Në qershor, të paktën 41 persona u vranë dhe rreth 240 janë plagosur në një sulm në aeroportin “Ataturk” në Stamboll.