“Different Shows” organizon koncert në Cyrih me Elina Dunin

Visar Kryeziu - Different Shows

Këtë herë Elina Duni performon në Cyrih solo, pa kuartetin e saj të njohur.

Tashmë në repertorin e “Different Shows” janë bërë të rregullt emra dhe autorë këngësh të njohur të muzikës shqiptare, si Elina Duni, Alban Skenderaj, Troja, Linda Hakaj, Asgjë sikur Dielli…

Nga “Different Shows” thonë për albinfo.ch se po ia arrijnë qëllimit që të gjithë këta emra të njohur të muzikës alternative xhazh dhe rok t’i sjellin më shpesh “live” edhe në Zvicër.

Nëse iu ka marrë malli për “Çobankat” e Elina Dunit, “Delja Rude”, “Kur më del n’sokak”, “Dallëndyshe”, atëherë më 9 tetor, në Kulturhaus Helferei, Kirchgasse 13, 8001 Zürich, do të magjepseni me koncertin e organizuar nga “Differnet Shows“.