Credit Suisse: Normat negative të interesit, rrezik i fshehur për jostabilitetin bankar

Normat negative të interesit në Zvicër mund të çojnë në paqëndrueshmëri në sektorin e bankave zvicerane, ka paralajmëruar Thomas Gottstein, drejtor ekzekutiv i  „Swiss Universal Bank“, në pronësi të „Credit Suisse“

Që nga janari i vitit të kaluar Banka Qendrore e Zvicrës SNB, ka futur norma negative të interesit në një përpjekje për të dekurajuar investimet në franga zvicerane, rritja e çmimeve të cilave e dëmtojnë eksportet nga vendi i vogël alpin, shkruajnë agjencitë e huaja, përcjell albinfo.ch.

Deri më tani vetëm një nga rreth 260 banka në Zvicër ka pezulluar normat negative ´të interesit për klientët e saj dhe për institucionet e kreditore. Sipas Thomas Gotshtajn në këtë fazë bankat mund të jetojnë në një mjedis të interesit nën zero.

Megjithatë, ai paralajmëroi se normat negative të ineteresit tashmë peshonjnë rëndë në biznesin e bankave dhe se mund të tërheqë nga tregu konkurrentë të tjerë që nuk kanë obligime të rëndësishme në frangun zviceran, sic janë bankat e huaja.

“Në afat të mesëm dhe të gjatë kjo nuk është një situatë e qëndrueshme.”, tha  Gottstein gjatë prezantimit të parashikimeve ekonomike p Gottstein  për “Credit Suisse”.

Normat negative të interesit dhe ndërhyrjet në tregun valutor janë strategji e Bankës Qendrore të Zvicrës SNB, për t’u marrë me frangun e fortë. Në fillim të vitit 2015, rregullatori ka hequr  kufizimet e kursit të këmbimit të frangut kundrejt euros.