Thomas de Maiziere: 500 ekstremistë, kërcënim për Gjermaninë

Ministri i Brendshëm i Gjermanisë, Thomas de Maiziere, ka paralajmëruar se në Gjermani ka mbi 500 ekstremistë islamikë, të cilët mund të kryejnë sulme në vend.

“Aktualisht në Gjermani ka të paktën 520 sulmues të mundshëm”, tha Maiziere në një intervistë për “Bild”, duke paralajmëruar se numri është më i madh, përcjell albinfo.ch.

„Ata janë potencialisht të rrezikshëm si individë dhe si anëtarë të grupeve të caktuara“, tha De Maiziere, i cili ka shtuar se edhe 360 persona përkatës, të njohur për policinë, kanë afërsi të drejtpërdrejtë me sulmuesit e mundshëm.

„Këta janë njerëz që mbështesin krimet. Kërcënimi i sulmeve terroriste që vijnë nga grupet e huaja dhe radikalizimi i qytetarëve të caktuara që mund të depërtojnë në Evropë apo edhe jetojnë në territorin gjerman. Radikalizimi është kryer me internet ose nëpërmjet komunikimit me predikuesit islamë. Grupet mund të “depërtojnë” dhe të përgatisin operacione pa u vënë re. Edhe më i vështirë është zbulimi i sulmuesit, i cili vepron vetëm“, thotë ministri i Brendshëm i Gjermanisë.

“Për fat të keq, në këtë pikë ekziston një rrezik i vërtetë i të dy llojeve të kërcënimeve”, deklaroi de Maiziere.

Këto të dhëna janë publikuar në prag të 15-vjetorit të sulmeve terroriste të 11 shtatorit 2001.