Zbulim i rëndësishëm i shkencëtarëve zviceranë mbi jetën e bletëve

Ekipi hulumtues i ka kaluar hojet e mjaltit të bletëve nëpër tomografinë kompjuterike duke pasur mundësi kështu të hulumtonin hojet e bletëve pa i penguar ato

Hulumtuesit shkencorë të institutit Agroscope në kuadër të Universitetit të Bernës kanë bërë një zbulim të rëndësishëm. Përmes fotografive të hojeve të bletëve, të fotografuara me rëntgen, ata kanë zbuluar se bletët shfrytëzojnë teknika të ndryshme për të përpunuar mjaltin.

Ekipi hulumtues i ka kaluar hojet e mjaltit të bletëve nëpër tomografinë kompjuterike duke pasur mundësi kështu të hulumtonin hojet e bletëve pa i penguar ato.

Rrugë të ndryshme pune për hojeve dhe të bëhet e gjithë kjo transparente, ka thënë kryesuesi i ekipit, Michael Eyer. Për të prodhuar mjaltin, bletët e grumbullojnë nektarin nga lulet dhe me ndihmën e enzimeve specifike e bëjnë koncentrimin e sheqerit që përmban nektari.

Fotografitë e rëntgenit tregojnë se gjatë procesit të “pjekjes” së mjaltit, në qelizat e hojeve  zhvillohen metoda të ndryshme të përpunimit të mjaltit, të cilat pasqyrojnë edhe koncentrimin e sheqerit, shkruajnë autorët në artikullin e publikuar në revistën plos one. Mostrat e zbuluar tregojnë se bletët punëtore shfrytëzojnë rrugë dhe ecuri të ndryshme për përpunimin e mjaltit.

Kështu, ato ose ngjyrosin muret e hojeve me ngarkesat e nektarit me koncentrim të lartë dhe të bëjnë kështu rrathë. Po ashtu ndodh që ngarkesat e nektarit t`i hedhin në mënyrë rastësore në qeliza duke bërë kështu dromca të cilat me kohë rriten gjatë pjekjes së mjaltit. Pastaj zhduken edhe rrathët, duke e bërë kështu një masë jo homogjene që është në fakt mjalti i pjekur.

Por, ka edhe disa qeliza më të pakta të cilat përmbajnë një masë homogjene, të përbërë ekskluzivisht nga sheqeri me përqendrim të lartë. Dhe ky përqendrim sheqeri tejkalon vlerat që janë të zakonshme ose të njohura si mesatare për mjaltin.