Tre milionë njerëz gjejnë punë në BE

Statistikat tregojnë se çdo i gjashti i papunë ka gjetur një vend pune në tre muajt e parë të këtij viti.

Punë kanë gjetur 15.4 për qind e të papunëve në tremujorin e parë, apo tre milionë njerëz, ka thënë Eurostat. Kështu, ritmi i punësimit është ngadalësuar në tremujorin e katërt të vitit të kaluar, kur punë arriten të gjejnë 18 për qind të të papunëve, ose 3.5 milionë njerëz.
Në fillim të këtij viti 13 milionë njerëz janë të papunë, dhe 18.9 për qind, ose 3.7 milionë fillimisht merret në statusin e popullsisë ekonomikisht joaktive.

Gjatë kësaj periudhe në BE ishin të punësuar 169.7 milionë njerëz.

Raporti i Eurostat është i bazuar në një studim të punës në BE dhe nuk përfshin të dhënat për Gjermaninë dhe Belgjikën.
Në mesin e 26 shteteve anëtare të BE-së, në bazë të të dhënave, të cilat për tremujorin e parë të 2016-ës i ka në dispozicion Eurostat, ritmin më të mirë të punësimit e ka regjistruar Danimarka.

Kështu, çdo i treti i papunë në vend, ose 30.3 për qind e të papunëve gjetën punë në tre muajt e parë të këtij viti. E ndjekur nga Suedia, ku punë kanë gjetur 22.5 për qind e të papunëve, dhe në Austri me një pjesëmarrje prej 22.3 për qind.