Dua Lipa, brenda 10 ditëve në dy koncerte “OpenAir” në Zvicër

Adhuruesit e këngëtares me zë dhe paraqitje të veçantë do të kenë rastin që ta shohin dhe përjetojnë më 25 gusht në Cyrih dhe më 3 shtator në Bernë

Dua Lipa, këngëtarja e re shqiptare nga Kosova, e cila për një kohë të shkurtër ka bërë  emër të madh më mesin e adhuruesve të muzikës së popullarizuar në botë, është tashmë shumë e dashur edhe nga publiku zviceran. Sigurisht nga kjo arsye ajo është e ftuar dhe do të jetë e pranishme në dy spektakle “OpenAir” që mbahen në Zvicër javën që vjen, njoftonm albinfo.ch. Kështu, adhuruesit e këngëtares me zë dhe paraqitje të veçantë do të kenë rastin që ta shohin dhe përjetojnë më 25 gusht në Cyrih dhe më 3 shtator në Bernë.

Në “OpenAir Zürich” ajo do të këndojë nga ora 18 e 30 deri në orën 19.15. “Viti 2016 është vit i Dua Lipës”, shkruan organizatori në faqen e vet të internetit, duke e bvlerësuar atë si një zbulim të vërtetë në qiellin e pop muzikës.

Dhe kjo nuk do të jetë paraqitja e parë e saj në Zvicër. Në shkurt të këtij viti ajo ka performuar në spektaklin e madh “Swiss Awards” në Cyrih, prej nga kishte raportuar edhe albinfo.ch.

“Britanikja e bukur do ta interpretojë hitin e saj “Be the One” më 3 shtator në “Enbergy Air”, shkruajnë në faqen e tyre të internetit organizatorët e këtij spektakli nën qiell të hapur që mbahet në Bernë.

Për të siguruar biletën për koncertin në Cyrih, e klikoni këtë link: http://www.zurichopenair.ch/en/tickets/

Për biletat në Sadiumin Stadesuisse në Bernë:

https://www.energy.ch/air/tickets