Zvicër: Shumica pranojnë kufizimin e lirive në favor të sigurisë

Socialdemokratët dhe të Gjelbrit duan që të kundërshtojnë projektligjin, ndonëse katër nga dhjetë simpatizantë të SP/PS japin shenja se do të votonin për ligjin i cili ashpërson ndjeshëm masat e sigurisë, përfshirë përgjimet

Ligji i ri zviceran për Shërbimin Informativ (inteligjent) i cili parashikon rritje të masave të sigurisëm, po gëzon mbështetje të gjerë nga politika dhe një pjesë e konsiderueshme e popullatës. Ndërkaq, një koalicion i të majtëve ka iniciuar një referendum kundër këtij ligji.

Socialdemokratët dhe të Gjelbrit duan që të kundërshtojnë projektligjin, ndonëse katër nga dhjetë simpatizantë të SP/PS japin shenja se do të votonin për ligjin i cili ashpërson ndjeshëm masat e sigurisë, përfshirë përgjimet.

Për kryetaren e Juso-s, Tamara Funiciello votimi i ligjit është kundërthënës pasi që sipas saj, me shtim të shkallës së përgjimit nuk shtohet siguria, shkruan srf.ch. Ajo këtë e thotë duke u përgjigjur kërkesës në rritje të shoqërisë zvicerane për shtim të sigurisë, qoftë edhe në dëm të lirive.

Media të ndryshme kanë shkruar edhe për atë se disponimi i popullatës aktualisht shkon në një drejtim të tillë.

Por përkundër kundërshtimit nga qendra partiake, po dalin edhe socialdemokratë që shprehen në favor të ligjit, transmeton albinfo.ch. Kështu, drejtori për siguri në Kantonin e Cyrihut, Mario Fehr (SP) ligjin e ri e përshkruan në një intervistë për NZZ si “një minimum absolut të asaj që i nevojitet një shërbimi modern të informimit. Ne nuk mund të injorojmë faktin se e-maili e ka tejkaluar letrën e shkruar”, ka thënë ajo duke iu referuar nevojës për avancim teknik të shërbimit informatibv

Edhe deputetja nacionale nga FDP/PLR-ja, Corina Eichenberger, që është edhe kryetare e komisionit për siguri në Dhomën Nacionale të Parlamentit shprehet se “në përballje me situatën aktuale kërcënuese është e qartë se përmirësimi i gjendjes së sigurisë paraqitet i domosdoshëm.