Franca përkujton viktimat e Nicës

Me një minutë heshtje Franca ka përkujtuar viktimat e sulmit të Nicës.

Nice, 14 korrik. Foto: EPA/OLIVIER ANRIGO

Në vendin e ngjarjes në bulevardin e famshëm të plazhit në qytetin mesdhetar, mijëra njerëz u mblodhën në ceremoninë përkujtimore, ku morën pjesë edhe disa përfaqësues të Qeverisë së Francës, duke përfshirë kryeministrin, Manuel Valls dhe ministrin e Shëndetësisë, Marisol Touraine.

Valls ishte fishkëllyer me të mbërritur në ceremoninë përkujtimore, thotë një reporter i AFP-së, përcjell albinfo.ch.

Në Francë është duke debatuar shumë nëse autoritetet kanë bërë mjaft për të mbrojtur popullsinë kundër sulmeve terroriste. Presidenti i Francë, François Hollande u ndal në anën e përfaqësuesve të forcave të sigurisë në Ministrinë e Brendshme në Paris.

Pas një minutë heshtje, turma e mbledhur ka duartrokitur punëtorët e shpëtimit, zjarrfikësit dhe mjekët, të cilët ishin marrë me shpëtimin e viktimave pas sulmit të tmershëm në Nicë.

Një çift shqiptarësh është arrestuar në Francë në kuadër të hetimeve për ngjarjen e tmerrshme, ku mbetën të vrarë 84 persona në Nice.

Mediat në Tiranë bëjnë të ditur se të arrestuarit, emrat e të cilëve ende nuk janë bërë të ditura, janë një burrë nga Fieri dhe partnerja e tij nga Tirana, që jetonin në Nicë.