Profiti i „Swatch“, në rënien më të madhe në 15 vjetët e fundit

Profiti i “Swatch Group AG” ka shënuar rënien më të madhe në të paktën 15 vjet, për shkak se kërkesat për orët zvicerane kanë rënë në Hong-Kong, Francë dhe Zvicër, raporton “Bloomberg”, përcjell albinfo.ch.

Shitjet kanë rënë gati 12%, njofton kompania me bazë në Bijelo, e markave zvicerane “Omega” dhe “Tissot”. Analistët kishin pritur 22% rënie në fitimin neto dhe një rënie 7% në të ardhura.

Pas informacioneve për rënien në tregjet e huaja, aksionet në bursën e Cyrihut “Swatch” janë reduktuar ndjeshëm me 14%, transmetonalbinfo.ch.

Kërkesa e ulët është përhapur nga Hong-Kongu në disa tregje të rëndësishme në Evropë, duke përfshirë Francën dhe Zvicrën.

Shitjet në segmentin luksoz në Francë janë ngadalësuar për shkak të fluksit të vogël të turistëve pas sulmeve terroriste në nëntor dhe në sfond të ngjarjes së fundit në Nisë.

Sipas  strategjisë së “Swatch”, për të ruajtur numrin e punëtorëve investimet dhe marketingu ka shkurtuar profitin e kompanisë.

Ndryshe nga “Richemont”, e cila ka hequr rreth 100 persona në “Cartier”, “Vacheron Konstantin” dhe “Piaget”, “Swatch” ka shmangur shkurtimet masive të punëtorëve.

Ulja e kostove fikse të orëve është e pamundur në shumicën e industrive, për shkak se gjetja e zejtarëve të aftë është e vështirë.

Kryeshefi ekzekutiv, Nick Hayek, tha se ai donte për të shmangur shkurtimet, sepse do të ketë nevojë për punëtorë, kur tregu do të përmirësohet.

Marka “Tissot” mund të ndikohet më të mirë për shkak se është në të njëjtin segment të çmimeve, e cilia konkurron direkt me orët e zgjuara “Apple”, tha analisti Rene Weber i “Bank Vontobel”.

I vetmi vend është Kina, ku tregu i orëve është duke u zhvilluar pozitivisht.

Në këtë rajon eksportet zvicerane të orëve janë tkurrur 11 muaj rresht. Në pesë muajt e parë të vitit 2016 eksportet kanë rënë me 9.5%.