Me qindra të vrarë, 1500 të arrestuar në Turqi

Si pasojë e përpjekjes së grusht shtetit ushtarak në Turqi u vranë 90 persona dhe u plagosen 1154

KEYSTONE

Forcat turke të sigurisë arrestuan 1,563 ushtarë të cilët tentuan mbrëm të organizojnë një grusht shtet nga një grup i rebelëve ushtarakë, njoftoi AFP. Duke qenë objektiv i disa sulmeve ajrore gjatë natës, parlamenti turk u mblodh sot paradite në një takim të jashtëzakonshëm në Ankara. Sipas të dhënave të fundit si pasojë e përpjekjes së grusht shtetit ushtarak në Turqi u vranë qindra persona dhe u plagosen 1154 të tjerë, njofton agjencia e lajmeve Anatolia. Më herët është raportuar për një total prej 754 të arrestuar si pasojë e grusht shtetit në tentativë.

Pesë gjeneralë dhe 29 kolonelë janë shkarkuar nga pozitat e tyre me urdhër të ministrit të Brendshëm. Presidenti Rexhep Erdogan mbrëmë u kthye triumfues në Stamboll dhe paralajmëroi për të spastruar ushtrinë turke.