Bunjaki: Jemi të gatshëm për kualifikime

“Ne ende nuk e dimë se në cilin grup jemi, por sigurisht se do të jemi më të fortë në kualifikimet për Evropianin e ardhshëm, pasi në kualifikimet për Botëror e kemi më vështirë”, ka thënë Bunjaki

Përfaqësuesja e Kosovës pritet të përfitojë shumë nga pranimi në FIFA. Kosova pritet të marrë pjesë në kualifikimet e Botërorit “Rusia 2018”, shkruan albinfo.ch.

Përzgjedhësi i Kosovës në futboll, Albert Bunjaki është shprehur i kënaqur me pranimin e Kosovës. “Kosova më nuk është e izoluar. Federata do të fuqizohet, do të kemi situatë më të mirë ekonomike, por duhet të punojmë për kualifikimet për Kampionatin Botëror. Jemi të gatshëm për kualifikime. Ne ende nuk e dimë se në cilin grup jemi, por sigurisht se do të jemi më të fortë në kualifikimet për Evropianin e ardhshëm, pasi në kualifikimet për Botëror e kemi më vështirë”, ka thënë Bunjaki.

Të premten u pranua edhe Gjibraltari, andaj ende nuk dihet se në cilin grup do të jetë Kosova.