Sadiku shënon dy herë për Vaduzin

Sulmuesi i Kombëtares shqiptare ishte gjithmonë titullar për skuadrën e tij dhe golin e parë e realizoi nga pika e bardhë në minutën e 31-të, derisa golin e dytë e ka realizuar në minutën e 73-të

Armando Sadiku ka shënuar dy herë të mërkurën mbrëma për skuadrën e tij Vaduz në ndeshjen ndaj Sionit, shkruan albinfo.ch.

Sulmuesi i Kombëtares shqiptare ishte gjithmonë titullar për skuadrën e tij dhe golin e parë e realizoi nga pika e bardhë në minutën e 31-të, derisa golin e dytë e ka realizuar në minutën e 73-të. Sadiku ka lëshuar lojën në minutën e 84-t, derisa Albion Avdijaj ka hyrë në lojë në minutën e 75-të.

Vaduz me këto tri pikë është ngjitur në tabelë, duke i ikur vendit të fundit, për të shpëtuar që edhe një vit të jetë në elitën e futbollit zviceran. Ditë më parë kjo skuadër fitoi edhe Kupën e Lihtenshtajnit dhe fitoi të drejtën të paraqitet në Ligën e Evropës për sezonin e ardhshëm.