UEFA: Zvicra në krizë

(KEYSTONE/Jean-Christophe Bott)

Portali zyrtar i UEFA-s ka bërë një analizë të miqësoreve të fundit, e në veçanti për Zvicrën. Kjo skuadër humbi dy ndeshjet miqësore dhe nuk ka shënuar që 232 minuta.

Në ndeshjen e parë Zvicra humbi nga Irlanda, ku një rast për gol kishte edhe Granit Xhaka, derisa në të dytën pësoi humbje nga Bosnja 2:0. Zvicra po pret fitoren e parë në Cyrih që nga viti 2007, derisa mungoi truri i skuadrës, Xherdan Shaqiri, raporton albinfo.ch.

Por, çka mësuam nga këto ndeshje miqësore: Zvicra do të ketë shumë probleme gjatë verës pasi nuk ka shënuar që 232 minuta. Ata duhet të kenë një plan të qartë para fillimit të Evropianit dhe Shaqiri ishte një mungesë e madhe. Shumë varet nga forma e tij sesi do të jetë në Francë.

Në 17 ndeshje nën urdhrat e Petkoviq, Zvicra ka pësuar gjashtë humbje dhe lojtarët duhet të japin më shumë nga vetja. Futbollistët që do të ftohen sigurt dihen, ku spikasin edhe futbollistët shqiptarë si Xherdan Shaqiri, Granit Xhaka, Valon Behrami, Pajtim Kasami dhe Admir Mehmedi.