Rykka përfaqëson Zvicrën në “Euro Vision Song Contest”

këngëtarja nga Meilen ZH do ta përfaqësojë Zvicrën në "Euro Vision Song Contest" në vitin 2016 në Stokholm

Rykka, Keystone

Këngëtarja me emrin artistik “Rykka” me këngën e saj «The Last Of Our Kind» ka fituar në mesin e pesë konkurrentëve të tjerë, në garën zvicerane për Eurovision. Pra, këngëtarja nga Meilen ZH do ta përfaqësojë Zvicrën në “Euro Vision Song Contest” në vitin 2016 në Stokholm.

Kështu ka vendosur audienca në TV dhe juria që e ka dërguar Rykka (29), si përfaqësuese zyrtare të Zvicrës në “Song Contest Euro Vision” të këtij viti.

“Jam ndjerë sikur isha gati që të shpërtheja”, përshkruan ndjenjat e saj pas fitores Rykka.

Rykka, zyrtarisht quhet Christina Rieder. Ka lindur dhe është rritur në Vankuver të Kanadasë. Ajo ka paraardhësit zvicerane dhe vjen nga një familje muzikore. Për disa vite jeton në Zvicër. Rykka ndoqi një shkollë muzike dhe ka punuar si muzikante në rrugë. Ndërkohë ajo ka regjistruar tashmë disa albume.