Janari, me shtim pasagjerësh në Aeroportin e Cyrihut

Gjatë janarit të këtij viti, Aeroporti i Cyrihut ka pritur dhe përcjellë 3.3 për qind më tepër pasagjerë se në janarin e vitit 2015.

Numri i plotë i atyre që gjatë këtij muaji kanë shfrytëzuar aeroportin e Cyrihut ka qenë 1 milion e 806.820 pasagjere, bën të ditur shërbimi për informim i këtij aeroporti. Marrë nga ky aspejt, numri i pasagjerëve që janë nisur nga ky aeroport apo kanë aterruar në këtë aeroport është rritur për 5.5%.

Nga ana tjetër, numri i udhëtarëve transitë që kanë kaluar dhe janë ndalur në Aeroportin e Cyrihut ka qenë për 1.8% më i vogël se në janarin e vitit 2015.

Sasia e mallrave të cilat janë ngarkuar dhe shkalkuar në këtë aeroport është për 4.5 për qind më e madhe se një vit më parë, gjegjësisht ka arritur në 31.685 tonelata.

Mesatarja e numrit të pasagjerëve, e ndarë për një aeroplan, gjatë janarit ka qenë 103, gjë që përbën jë rritje prej 3.4%.