Shumë vende mund të humbin nga turizmi për shkak të virusit Zika

Vendet që tashmë kanë konfirmuar raste të virusit mund të humbin rreth 63.9 miliardë të ardhura nga turizmi ndërkombëtar, sipas Bankës Botërore. Këto llogaritje nuk përfshijnë Venezuelën, Barbados, Guadeloupe, Martinique dhe Shën Martin. Për secilin nga këto vende ka edhe paralajmërime rreth udhëtimit, por nuk ka asnjë informacion në lidhje me të ardhurat e tyre nga turizmi.

Nga të gjitha vendet e Amerikës Latine efekti i të ardhurave të humbura nga turistët mund të jetë më i madh në Meksikë. Turistët e huaj shpenzuan 14.31 miliardë në këtë vend në vitin 2013, sipas Bankës Botërore. Brazili, nga ana e tij ka krijuar pak më shumë se 7 miliardë të ardhura nga turistët e huaj në vitin 2013. Megjithatë, vendi do të mikpresë Olimpiadën e Verës nga 2 deri më 21 gusht dhe përhapja e virusit rrezikon të anulohet. Qeveria braziliane njoftoi se nuk do të anulohet për shkak të virusit.

Virusi pritet të ketë arritur në Shtetet e Bashkuara, ku turistët kanë shpenzuar mbi 214,7 miliardë dollarë në vitin 2013. Kanadaja dhe Kili janë të vetmet vende në hemisferën perëndimore, të cilat virusi nuk ka gjasa të vijë, për shkak se mushkonjat “Tigri” që bartin virusin nuk vijnë në territoret e tyre.