5.9 milionë automjete nëpër rrugët e Zvicrës

Lëvizshmëria në rritje e automjeteve është reflektuar edhe në statistika.

Në fund të 2015-ës është raportuar për 5.9 milionë automjete të motorizuara në rrugët e Zvicrës. Në krahasim me vitin e kaluar bëhet fjalë se është një rritje e konsiderueshme prej 102.000 automjetesh, ose 1.8 për qind.

Në vitin 2015, 427.000 automjete të motorizuara ishin vënë në qarkullim, bëri të ditur Zyra Federale e Statistikave (BFI). Bëhet fjalë për 7.7 për qind më shumë se vitin e kaluar. Vetëm në vitin 2012 ishte shënuar rekord me 431.000 makina të reja të regjistruara shtesë, përcjellalbinfo.ch.

Nëse krahasohen statistikat gjatë 25 vjetëve të fundit, numri i automjeteve të motorizuara është rritur me më shumë se gjysmën. Sipas të dhënave të BFI-së, është regjistruar që nga viti 1990 një rritje prej 55.8 për qind.

Tri të katërtat e të gjitha atyre automjeteve të regjistruara janë automjete të udhëtarëve. Në fund të 2015-ës, një total prej 4.5 milionë automjete janë regjistruar (plus 1.7 për qind). Në 1000 banorë vijnë 541 makina të pasagjerëve.

Në krahasim me vitin e kaluar, zviceranët kanë zgjedhur gjithnjë automjete të vogla me madhësi të kapacitetit të motorit më poshtë se 1.000 centimetra kub. Në këtë kategori, gati 45 për qind më shumë regjistrime janë bërë vitin e kaluar.

Statistikat tregojnë se edhe numrin i automjeteve elektrike është në rritje. Më 2015 ishin 70 për qind automjete elektrike më shumë se vitin e kaluar.

Por, në terma absolutë, flota ende mbetet e menaxhueshme, gjithsej në mbarë vendin 7531 automjete elektrike, transmeton albinfo.ch.

Përveç automjeteve të vogla, në fund të vitit 2015 janë regjistruar 394 mijë automjete të mallrave dhe 191 mijë automjete bujqësore.