UBS rrit profitin, investitorët, të pakënaqur

Fitimi neto i bankës zvicerane UBS në vitin 2015 u rrit me 79%, për shkak se lehtësimet tatimore kanë kompensuar pasojat negative të një krize të aksioneve në tremujorin e katërt.

Fitimi neto i UBS-së në vitin e kaluar arriti në 6.2 miliardë franga (5.5 miliardë euro), ndërsa në tremujorin e fundit banka ka pasur një fitim prej 949 milionë frangash, e cila është më shumë se 858 milionë euro në të njëjtën periudhë të vitit 2014, thuhet në një deklaratë të bankës, përcjell albinfo.ch.

“Pavarësisht një mjedisi sfidues, kemi pasur një vit të suksesshëm”, tha në një deklaratë drejtori i UBS-së, Sergio Ermotti.

Të rejat e fundit në lidhje me rritjen e fitimeve nuk i kanë gëzuar investitorët, për shkak se vlera e aksioneve UBS ra më shumë se 7%.