Austria pezullon Shengenin

Autoritetet austriake përkohësisht kanë pezulluar marrëveshjen e Shengenit dhe do të vendosin kontrolle për njerëzit që hyjnë në vend, njofton kancelari austriak, Werner Faymann.

Kancelari austriak, Werner Faymann, në një intervistë për gazetën OESTERREICH, e cili do të publikohet në tërësi të dielën, tha se autoritetet austriake kanë për qëllim sikur Gjermania të rrisin kontrollin e kufijve dhe t’i dëbojnë refugjatët”.

Kështu, sipas Faymenn, njerëzit të cilët nuk kanë të drejtë për stastus të refugjatit ose nuk i kanë dorëzuar kërkesat e duhura në Austri do të dëbohen.

Me këtë veprim do të thotë se Austria ka pezulluar marrëveshjen e udhëtimit të lirë Shengen.

Në zonën Shengen aktualisht janë 26 vende anëtarë, katër prej të cilëve nuk janë anëtare të Bashkimit Evropian. Ideja e kësaj marrëveshjeje është që t’u mundësojë qytetarëve udhëtim të lirë në vendet Schengen, pa kontrolle kufitare, dhe në ato jashtë zonës së BE-së me një vizë të përbashkët të vlefshme për gjithë zonën.

Norvegjia, Suedia dhe Danimarka kanë kthyer përkohësisht kontrollin e kalimeve kufitare, për të kufizuar fluksin e refugjatëve në territoret e tyre. Sipas agjencisë kufitare të BE-së – Frontex, në gjithë vitin 2015 në Bashkimin Evropian kanë hyrë më shumë se 1.2 milionë emigrantë