Alban Skenderaj e nis vitin me një koncert në Cyrih

Këngëtari i njohur nga Shqipëria, Alban Skenderaj, pas interesimit të madh me koncertin e mbajtur në gusht, ka vendosur të performojë sërish para publikut zviceran më 8 janar në Cyrih.
Koncertin e ka konfirmuar edhe vetë këngëtari Skenderaj, duke postuar në Facebook këtë njoftim: „Një mbrëmje në Cyrih! Organizim i mirëfilltë dhe me vizion. Nëse mundeni, mos mungoni“, tha Alban Skenderaj.

Edhe organizatori i koncertit të Alban Skenderajt në Cyrih, Fatmir Haziri, ka thënë për albinfo.ch se ka qenë i detyruar të bëjë edhe një show me këngëtarin nga Shqipëria pas kërkesave të shumta me koncertin e mbajtur në gusht të vitit të kaluar.

Koncerti këtë herë do të mbahet në klubin e quajtur “Blok”.

Në nismën e tij për të sjellë emra të njohur të muzikës shqiptare deri tani „Different Show” ka organizuar disa koncerte në Cyrih.

Pas Alban Skenderajt, vjen me radhë në Cyrih këngëtarja e njohur shqiptare e xhazit, Elina Duni, e cila do të perfomojë më 23 janar.