Integrimi
“Ndalohet hyrja për të huajt”, një urdhëresë që të kujton nazizmin
Fjalia e përmendur është shkruar në gjuhën arabe, perse, shqipe, boshnjake etj.
Disponimi i një pjese të gjermanëve, sidomos i atyre të zonës lindore të vendit (ish DDR) kundër të huajve përballë fluksit të madh të refugjatëve, është gjë tashmë e njohur. Por, pronari i një shitoreje të armëve dhe gjesendeve tjera ushtarake në Dresden duket se ka shkuar tepër larg. Ai, duke dashur t`i mbajë sa më larg të huajt nga dyqani i tij, ka vendosur një mbishkrim ku ka shkruar (pikërisht në gjuhët e këtyre të huajve!): “Ndalohet hyrja për njerëzit pa pasaportë gjermane».
Me këtë rast ai ka «respektuar» edhe radhitjen e gjuhëve sipas numrit të refugjatëve në Gjermani që flasin ato gjuhë. Kështu, fjalia e përmendur është shkruar në gjuhën arabe, perse, shqipe, boshnjake etj., transmeton albinfo.ch shkrimet e medieve gjermane.
«Këto fjalë tingëllojnë si në vitin 1933, në kohën e nazistëve. Ky është racizëm», shfryen Claus Dethleff nga rrjeti Pro-Asyl.
Gazeta Bild e cila ka shkruar për këtë rast, e ka pyetur pronarin Bert Stötzer për arsyen e një veprimi të tillë.
«Unë nuk mund të merrem vesh me njerëz si këta. Disa prej tyre, thjesht kanë hyrë mbrapa banakut dhe kanë marrë nëpër duar gjësende si thikat. Unë doja t`u thoja se nuk kanë të drejtë ta bëjnë këtë por ata nuk më kuptonin», thotë ai. Prandaj me ndalesën e bërë me shkrim ai ka dashur të evitojë situatat e tilla.
«Unë bart përgjegjësinë për atë që shes këtu. Sepse armët e mia mund ta lëndojnë dikë. Por unë nuk jam racist. Tash po e shohin këtë sikur t`ua kishim ngjitur nga një yll të verdhë njerëzve në gjoks këtyrev njerëzve (asociim me yllin që u vihej hebrenjve në kohën e nazizmit.).
Megjithatë veprimi i tij duket se nuk do të kalojë pa u trajtuar nga drejtësia, transmeton albinfo.ch. Eksperti i të drejtës administrative Robert Uhlemann thotë se ndalimi i bëerë është shkelje e ligjit që garanton trajtimin e barabartë: «Tregtari i armëve nuk guxon t`ia ndalojë hyjen askujt duke marrë për bazë prejardhjen. Ai që nuk lejohet të hyjë, ka të drejtë ta padisë atë».
Ndërsa eksperti i të drejtës penale Prof.Dr. Endrik Wilhelm e plotëson: «Ky tekst mund të lexohet sikur ai i njohuri nga koha e nazizmit: `Mos u shisni hebenjve`, por pronari i shitores nuk mund të ketë konsekuenca juridike»
Të ngjashme
Të tjera nga Integrimi
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë