Feja
Zvicra, së shpejti me katedër për shkollimin e imamëve
Islami që do të mësohej në universitetet e këtushme, do t`i përshtatej kontekstit kulturor liberal të Zvicrës, shkruan Tages Anzeiger
Ndërkohë që në Gjermani praktikohet që moti, për arsimimin e imamëve në Zvicër ka vite që debatohet. Në mesin e muajit mars një grup pune do të prezantojë planet në këtë drejtim.
Nga fundi i vitit 2010, një grup pune i iniciuar nga sekretari shtetëror Mauro Dell`Ambrogio është duke shqyrtuar mundësitë për shkollimin dhe kualifikimin e imamëve dhe personelit tjetër religjioz në nivel nacional. Grupi do t`i prezantojë qëndrimet e tij më 14 mars në një konferencë gjysmë-publike.
Do të prezantohet një koncept i cili synon ngritjen e një katedre për teologjinë islame, përfshirë edhe një program nacional arsimimi për personelin kujdestar religjioz, thotë Antonie Loprieno, udhëheqës i grupit, njëherësh rektori i Universitetit te Bazelit dhe kryetar i konferencës së rektorëve të universiteteve të Zvicrës. Në fikus te kongerences do të jetë çështja deri ku mund të shkojë mësimi dhe studimi i teologjisë islame në një universitet zviceran dhe se ku do të mund të themelohej kjo katedër.
Studimi “Arsimimi i imamëve dhe pedagogjia e besimit islam në Zvicër?”, i realizuar nga Fondi Nacional i Zvicrës, pati gjetur që në vitin 2009 një konsensus të gjerë në institucionet dhe partitë zvicerane. Sipas küetij dhe studimeve tjera, një shumicë e myslimanëve të anketuar si dhe institucioneve myslimane e konsideron një ofertë të tillë arsimore të dëshirueshme.
Loprieno thekson se dialogu me myslimanët ka rol bazik. Me këtë rast ai me qëllim nuk flet për arsimimin e imamëve, pasi që titulli imam është titull fetar. Ndërsa universiteti mund të jetë kompetent vetëm për arsimimin teologjik dhe teorik, ndërkohë që më vonë, komuniteti përkatës fetar i emëron imamët, në analogji me teologët e krishterë, të cilët pas studimeve emërohen si priftërinj,
Në vendet islamike, imami ka në fushë të ngushtë e të kufizuar të veprimtarisë religjioze. Ai është udhëheqës i lutjeve në xhami, udhëheq lutjen rituale të përbashkët, në veçanti faljen e xhumasë. Ndërsa në hapësirat evroperëndimore imami ka një kuptim shumë më të madh dhe funksione të zgjeruara. Sipas shembullit të priftit të krishterë, ai është udhëheqës i komunitetit, pastor dhe ndërmjetësues në bashkësinë e tij religjioze.
Vlerësohet se në Zvicër veprojnë rreth 180 imamë. Këta imamë, shumica e të cilëve janë shkolluar ë vendet e tyre të prejardhjes jane jo rrallë të penguar nga deficitet gjuhësore për të marrë përsipër rolin e ndërmjetësit në Zvicër. Për këtë arsye, studimi i Fondit Nacional premton se një shkollim në universitetet e këtushme do të kishte një ndikim integrues dhe do të siguronte ë shumë transparencë ndaj shoqërisë.
Sipas ekspertëve, islami që do të mësohej në universitetet e këtushme do t`i përshtatej kontekstit kulturor liberal të Zvicrës dhe njëkohësisht të ruante autenticitetin e tij. Për këtë arsye ai nuk do të duhej të udhëhiqej nga rregullore të shtetit zviceran. Në të vërtetë, kurset studimore të kryera këtu, do të duhej të njiheshin nga universitetet kryesore të botës islamike, si për shembull nga Universiteti Al-Azhar i Kairos.
Në konferencën e 14 marsit, rektori i Universitetit të Tübingenit, Bernd Engler do të prezantojë një raport rreth modeleve të realizuara deri më tash në universitete të ndryshme të Gjermanisë për mësimin e teologjisë islamike. Ndërsa sekretari shtetëror i Zvicrës, Mauro Dell Ambrogio në vlerësimin e tij shoqëror politik do të shtrojë edhe pyetje rreth asaj se përse një shoqëri sekulare do të dhe të kujdesej për shkollimin e personelit fetar. Në kuptim më të gjerë behet fjalë për nevojat e myslimanëve zviceranë që të kenë një shkollim të mbështetur nga shteti por edhe për interesat e vetë universiteteve.
E-Diaspora
-
Ambasadori i Kosovës në Zvicër, Mentor Latifi, i dorëzoi kredencialet Presidentes Amherd Me këtë rast ekskluzivisht nëpërmjet platformës mediale albinfo.ch, ai u është drejtuar me një letër...
-
Dëbohet kosovari, jetonte në Gjermani nga viti 1989
-
smzh hap lokacionin më të ri, në Frauenfeld
-
Dita e dytë e gjykimit sjell dëshmi të reja lidhur me vrasjen e Shqiponja Isufit
-
Baritoni Valdrin Gashi do të performojë në Ambasadën e Kosovës në Stokholm me rastin e 25-vjetorit të Çlirimit të Kosovës
Jeta në Austri
-
Përmbledhje e lajmeve më të fundit në Austri, për sot Partia e ekstremit të djathtë kryeson në zgjedhjet e BE-së në Austri; Ekspertët fajësojnë qeverinë dhe...
-
Çfarë do të thotë për të huajt fitorja e ekstremit të djathtë të Austrisë në zgjedhjet e BE-së?
-
Çfarë mësuam nga zgjedhjet në të gjithë Evropën?
-
Bashkë me votat e shqiptarëve në Austri, Lukas Mandl zgjidhet sërish deputet në Parlamentin Evropian
-
Zgjedhjet në EU/Austri: Partia e ekstremit të djathtë FPÖ fiton për herë të parë zgjedhjet për Parlamentin Evropian