Zhegrova: Më pëlqen të luaj në Itali

“Unë në Serie A një ditë? Pse jo? Më pëlqen shumë Milani”, theksoi Zhegrova

Ylli i Kosovës, Edon Zhegrova, ka folur për gianlucadimarzio.com për ndeshjen kundër Juventusit dhe gjithashtu për të ardhmen e tij që lidhet shpesh me gjigantët e Serie A.

Pas dy fitoreve kundër Real Madrid dhe Atletico Madrid, Lille u ndal nga Zonja e Vjetër në shtëpi, por për Zhegrovën është një pikë e fituar dhe jo dy pikë të humbura.

“Juventusi është një klub gjigant me lojtarë të mrekullueshëm. Ne pamë sot (e martë) se sa ekip i fortë janë. Mendoj se në fund barazimi ishte rezultati i duhur kundër një ekipi shumë të fortë si Juventusi”, deklaroi Zhegrova, transmeton albinfo.ch.

Nuk është sekret që Zhegrova ka ëndërr të luajë për klube të mëdha, sidomos në Serie A dhe ai ka folur për këtë gjë.

“Më pëlqen futbolli italian, i ndjek gjithmonë skuadrat tuaja të mëdha si Milani dhe i shikoj edhe ndeshjet e Juves. Pastaj në Kosovë ka shumë tifozë të Milanit, Interit dhe Juves. Unë në Serie A një ditë? Pse jo? Më pëlqen shumë Milani”, theksoi Zhegrova.

---