Lajme

Euro dhe dollari forcohen kundrejt lekut

E mërkurë, 17 Maj 2023 - 18:40 albinfo.ch
pixabay

Pas një periudhe të gjatë zhvlerësimi në tregun e brendshëm valutor, euro ka nisur një rritje kundrejt lekut, menjëherë pas zgjedhjeve të 14 majit.

Sipas grafikës zyrtare të Bankës së Shqipërisë, vetëm në 3 ditë monedha europiane është forcuar me 2.5 për qind ndaj lekut.

Sot, më 17 maj, euro është kuotuar mesatarisht me 113.43 lekë, 1.54 lekë më shumë se dje, ndërsa të premten tregtohej me 110.63 lekë.

Edhe dollari amerikan u forcua me 1.99 lekë dhe këmbehet me 104.70 lekë.

Sot në këmbim me lekun, edhe valutat e tjera kanë pësuar rritje.

Në raportin tremujor të politikës monetare 2023, të publikuar pak ditë më parë nga Banka e Shqipërisë, u vu në dukje se pati një mbiçmim të lekut ndaj dollarit amerikan dhe euros, intensifikuar në muajt mars dhe prill 2023.

 Të tjera nga Lajme

Maqedoni: Mbi 1300 vëzhgues vendorë e ndërkombëtarë në monitorim të zgjedhjeve lokale

 E-Diaspora

 Jeta në Austri