Hekuran Avdylaj, Kampion Evropian në kickboks

Kickboksieri kosovar i lindur në Austri, Hekuran Avdylaj, e ka fituar titullin e më të mirit të Evropës për peshat e mesme deri në 75kg. Avdylaj me prejardhje nga Istogu, e ka nokautuar gjermanin, Ramon Kübler, gjatë përballjes me të në Wintertur të Zvicrës.

Ai e ka nokautuar gjermanin ne raundin e tretë duke mos i dhënë asnjë gjasë për te vazhduar tutje, njofton bashkepuntori i albinfo.ch nga Winterthuri.

Kjo është hera e parë që kosovari Avdylaj e ka fituar titullin e kickbokserit më të mirë në Evropë.

Ky meq dhe shumë të tjera po zhvillohen në “mbrëmjen e luftërave” në Winterthur, që boksieri Mustafë Kicaj me shokët e ka organizuar me qëllimin humanitar, ndihmesën e fondit për shërimin e të sëmurëve nga kanceri.

albinfo.ch është e pranishme në këtë mbrëmje boksi dhe do të raportojë më gjerësisht nga ajo.