Vera po vjen: 28 gradë në Ticino

Për ata që kanë udhëtuar për festë drejt Ticinos, bllokimi i trafikut të Pashkëve në Gotthard ia ka vlejtur, të paktën për sa i përket motit

Moti  gjatë festës së Pashkëve po shfaqet nga ana më e mirë këtë vit. Në Ticino, të Premten e Mirë është shënuar temperetura prej 28 gradësh. E diela dhe e hëna e festës do të vazhdojë të jetë me diell, por jo edhe aq i ngrohtë.

Temperaturat në Chur janë ngjitur në pothuajse 26 gradë të martën e kaluar – dita e parë e verës në Zvicër këtë vit, transmeton albinfo.ch. Por të premten kjo u tejkalua sërish dukshëm, raporton Meteonews Zvicër. Në stacionin matës Biasca në Ticino, termometri u ngjit në 28 gradë falë erës së veriut.

Për ata që kanë udhëtuar për festë drejt Ticinos, bllokimi i trafikut të Pashkëve në Gotthard ia ka vlejtur, të paktën për sa i përket motit. Meteonews premton gjithashtu shumë diell dhe temperatura të ngrohta në jug nga e shtuna në të hënë.

Të shtunën duhet të jetë rreth 25 gradë e ngrohtë, të dielën dhe të hënën 20 deri në 22 gradë, përcjell albinfo.ch. Ata që kanë qëndruar në shtëpi, në veri  të Gotthardit mund të presin gjithashtu shumë diell, ndonëse me temperatura pak më të ulëta, prej 16 deri në 18 gradë.

28 gradët e matura të premten, sipas Meteonews nuk përbëjnë rekord temperaturash. Në Grono, për shembull, pothuajse 30 gradë janë matur më 26 prill 1987 dhe në Locarno-Monti më 9 prill 2011 ishte edhe më nxehtë, 31.8 gradë.

---