Reagimi i BE-së pas rritjes së taksës nga Kosova për Serbinë

Përfaqësuesja e lartë e BE-së për Punë të Jashtme dhe Politika të Sigurisë, Federica Mogherini ka reaguar pas rritjes së taksës ndaj Serbisë për produktet serbe. 

“Më tej përkeqëson situatën pas imponimit fillestar të taksës prej 10% të rritjes së taksës javën e kaluar. Qeveria e Kosovës duhet të revokojë menjëherë këto vendime”, thuhet në njoftimin për media të BE-së.

Gjithashtu Mogherini ka deklaruar se vendimi i sotëm i Qeverisë së Kosovës është një shkelje e qartë e Marrëveshjes së Tregtisë së Lirë të Evropës Qendrore (CEFTA) dhe frymës së Marrëveshjes së Stabilizim Asociimit (MSA) ndërmjet Bashkimit Evropian dhe Kosovës.

Qeveria e Kosovës gjatë ditës së sotme ka vendosur që t’i rris taksën Serbisë nga 10% në 100%.