Berna ndan Çmimin për Integrim 2013

Çmimi për integrim shoqërohet nga një vlerë monetare prej 5000 frangash. Krahas tij, do të jepet edhe çmimi promovues prej 2000 frangash

Drejtoria për arsim, çështje sociale dhe Sport e qytetit të Bernës do të ndajë edhe këtë vit, për të dhjetën herë me radhë, Çmimin për integrim. Ceremonia e ndarjes së çmimit për integrim 2013 do të mbahet në qershor të këtij viti.

Qyteti, me këtë çmim vlerëson performancat e dalluara në fushë të integrimit të popullatës me prejardhje të huaj në qytetin e Bernës. Duke e ndarë këtë çmim, Berna shpreh vlerësimin e saj për punën shumëplanëshe në fushë të integrimit në Bernë dhe e bën këtë publike e të dukshme.

Çmimi për integrim shoqërohet nga një vlerë monetare prej 5000 frangash.

Krahas tij, do të jepet edhe çmimi promovues prej 2000 frangash për angazhimet veçanërisht kreative në të mirë të integrimit.

Për ndarjen e këtyre çmimeve vendos një juri e përbërë nga përgjegjësit e qytetit të Bernës për integrim, organizata të ndryshme për integrim në kuadrin e qytetit, një përfaqësues i medieve dhe dy përfaqësues të të huajve.
 
Për çmimin e integrimit mund të konkurrojnë ndërmarrje, organizata ose individë të cilët angazhohen në mënyra të ndryshme për integrimin e popullatës me prejardhje të huaj në qytetin e Bernës.
 
Data e fundit e dorëzimit të kandidaturave për këtë çmim është më 1 mars 2013 (data e shënuar në vulën e postës)
 
Të interesuarit mund të gjejnë përshkrimin më të hollësishëm të kushteve të ndarjes së çmimit bashkë me informacione tjera në adresën elektronike: www.bern.ch/integrationspreis.