Martinez i impresionuar me Tarashajn

Debutimi ndërkombëtar i Shani Tarashajt me Zvicrën është një sinjal i qartë se Evertoni ka bërë një punë të madhe me nënshkrimin e tij, shkruan “Liverpoolecho.co.uk”, raporton albinfo.ch.

Trajneri Roberto Martinez rrëmbeu 21-vjeçarin në janar dhe ishte shumë i lumtur që e pa atë të debutojë javën e kaluar me Zvicrën. Ai hyri si zëvendësues në ndeshjen ndaj Irlandës dhe Bosnjës, derisa Martinez beson se ai ka potencial të madh.

Evertoni mundi në konkurrencë Interin dhe Juventusin për të nënshkruar me Tarashajn për 3 milionë funte.

“Ishte një moment i madh, pasi nuk besoj se njerëzit kanë pritur që ai të debutojë kaq herët. Kjo tregon se Tarashaj po rritet shpejt. Kjo do ta ndihmojë shumë atë. Ne jemi shumë të lumtur që një lojtar i yni debutoi”, deklaroi Martinez.

Tarashaj deri në fund të këtij edicioni do të luajë me Grasshoppersin, kurse gjatë verës do t’i bashkohet Evertonit.