Lajme

Komiteti i OKB-së: Zvicra ka shkelur ligjin ndërkombëtar për vaksinat kundër Covid

E enjte, 31 Gusht 2023 - 17:40 albinfo.ch
(AP Photo/Nam Y. Huh)

Zvicra dhe vendet e tjera veriore kanë shkelur ligjin ndërkombëtar, duke refuzuar heqjen e pronësisë intelektuale për vaksinat e koronavirusit, ka gjetur një komitet i OKB-së, duke thënë se ata nuk i kanë respektuar angazhimet e tyre për garantimin e mosdiskriminimit.
Në një vendim të marrë të mërkurën dhe të bërë publik të enjten në Gjenevë, Komiteti i OKB-së për Eliminimin e Diskriminimit Racor (CERD), i cili nuk flet në emër të OKB-së, sulmon gjithashtu Shtetet e Bashkuara, autoritetet britanike dhe Gjermaninë.

Ndërsa Organizata Botërore e Shëndetësisë (OBSH) hoqi alarmin maksimal disa muaj më parë, duke thënë se beson që koronavirusi mbetet një problem i rëndësishëm i shëndetit publik, shkruan RTS, përcjell albinfo.ch.

Pakicat dhe grupet e ekspozuara ndaj shkeljeve të Konventës kundër Diskriminimit Racor janë prekur më shumë, bënë të ditur vendimi ndërsa u tha se në disa vende në zhvillim, më pak se 1% e popullsisë ka marrë të paktën një dozë përforcuese.

Por, pjesa mbarëbotërore është një e treta, këmbënguli Komiteti. “Sfidat aktuale të pabarazisë mund të zbuten ndjeshëm duke ndarë qasjen në të drejtat e pronësisë intelektuale në të gjitha teknologjitë e koronavirusit”.

Sidoqoftë, Zvicra dhe vendet e tjera kishin vendosur të pranonin në Organizatën Botërore të Tregtisë (OBT) një heqje të përkohshme të patentave për vaksinat për pesë vjet, por vetëm pas dy vitesh pandemie. Popullatat e këtyre shteteve më pas ishin imunizuar kryesisht me të paktën një dozë përforcuese.

Nën presionin si të tjerët për shumë muaj, Berna kishte mbrojtur gjithmonë inovacionin e kompanive farmaceutike teksa ishte vlerësuar gjithashtu se heqja e patentave nuk do të bënte të mundur prodhimin e një doze shtesë vaksine. Ndërsa problemi u konsiderua të jetë në infrastrukturat për shpërndarjen e vaksinave në vendet në zhvillim.

Komiteti i OKB-së dhe disa shtete duan që kjo çështje të jetë pjesë e traktatit të ardhshëm të pandemisë të diskutuar në Organizatën Botërore të Shëndetësisë. Një skenar që shumë vende perëndimore, përfshirë Zvicrën, e refuzojnë pasi sipas tyre, pronësia intelektuale duhet të diskutohet në OBT.

 

 Të tjera nga Lajme

Në këto kantone primet e sigurimit shëndetësor ka të ngjarë të rriten ndjeshëm

 E-Diaspora

 Jeta në Austri