Së shpejti lëvizja me letërnjoftime Kosovë-Maqedoni

Ministri kosovar tha se kjo mund të realizohet pas aplikimit të dokumenteve biometrike

Së shpejti do të aplikohet lëvizja e lirë e qytetarëve të Kosovës dhe Maqedonisë vetëm me letërnjoftime.

Kështu ka paralajmëruar sot në Shkup, Ministri i Brendshëm i Kosovës, Bajram Rexhepi.

Ministri Rexhepi theksoi se kjo nismë do të shqyrtohet shumë shpejt dhe do të ketë përgjigje nga ana e tyre. Ai tha se kjo mund të realizohett pas aplikimit të dokumenteve biometrike.

Po ashtu, ministrat e Punëve të Brendshme të Maqedonisë dhe Kosovës, Gordana Jankullovska dhe Bajram Rexhepi sot në Shkup nënshkruajtën edhe marrëveshjen dypalëshe për aplikimin e patrullave të përziera për sigurimin e kufirit shtetëror midis dy vendeve.

Ministrat Jankullovska dhe Rexhepi kanë vlerësuar si tejet të mira marrëdhëniet midis dy vendeve në nivel të MPB-ve, duke marrë parasysh edhe takimet e shpeshtuara dypalëshe në nivele të larta, por edhe rregullimin e marrëdhënieve në planin e firmosjes së marrëveshjeve.

Dy ministrat gjithashtu shqyrtuan mundësinë e hapjes së kalimeve të tjera kufitare midis dy vendeve. Në kuadër të delegacionit kosovar kanë marrë pjesë edhe zyrtarë të lartë të policisë kosovare