Albinfo.ch | Lajmet e fundit Shqip | Gazeta Shqiptare ne Internethttp://albinfo.chhttps://www.albinfo.at/vendi-me-mikprites-ne-bote-per-emigrantet/Një studim i realizuar nga kompania William Russell ka vlerësuar vendet dhe qytetet më të favorshme për të huajt që zgjedhin të jetojnë dhe punojnë jashtë vendit të tyre. Sipas rezultateve, Islanda zë vendin e parë si shteti më mikpritës për emigrantët, falë nivelit të lartë të sigurisë dhe mundësive të qëndrueshme të punësimit. Pas saj renditen Luksemburgu, Zelanda e Re, Australia dhe Zvicra, të cilat gjithashtu ofrojnë kushte të mira jetese dhe integrimi për të huajt. Në analizë janë marrë parasysh disa faktorë kryesorë, përfshirë përvojën e emigrantëve që jetojnë në këto vende, mundësitë e punës, qëndrimin e shoqërisë ndaj të huajve, nivelin e sigurisë, cilësinë e shërbimeve publike dhe lehtësinë për marrjen e vizave apo lejeve të qëndrimit. Sa i përket qyteteve, Zyrihu në Zvicër është renditur si qyteti më mikpritës në botë për emigrantët. Ai vlerësohet për standardin e lartë të jetesës, organizimin e mirë urban dhe mundësitë e shumta profesionale. Në dhjetëshen e parë përfshihen edhe Kopenhaga, Mynihu, Praga, Varshava, Singapori, Tokio, Dubai, Seuli dhe Hong Kongu. Studimi thekson se mikpritja e një vendi nuk lidhet vetëm me procedurat e hyrjes, por edhe me mundësitë për integrim të plotë në shoqëri dhe jetesë afatgjatë. Sipas ekspertëve, këta faktorë ndikojnë ndjeshëm në vendimin e emigrantëve për të qëndruar ose për t’u kthyer në vendet e tyre të origjinës.AlbLajme,Bota932418E martë, 16 Qershor 2026 - 23:55https://www.albinfo.at/wp-content/uploads/2019/11/o-34-587x339-1-150x150.jpghttps://www.albinfo.at/diaspora-i-siguron-vv-se-mandatin-e-53-te-ldk-humb-nje-deputet/Me 96.32% të vendvotimeve të procesuara (2,752 nga 2,857), rezultatet e fundit zgjedhore në Kosovë konfirmojnë ndryshime në ndarjen e ulëseve në Kuvend. Sipas përditësimit të orës 23:36 më 16.06.2026, votat e diasporës kanë ndikuar në forcimin e pozitës së Lëvizja Vetëvendosje!, e cila tashmë siguron 53 ulëse në Kuvend, duke konsoliduar rezultatin e saj si subjekti i parë politik në vend me 373,726 vota (46.96%), transmeton albinfo.ch. Në anën tjetër, Lidhja Demokratike e Kosovës (LDK) regjistron një rënie të lehtë në përfaqësim, duke mbetur me 18 ulëse dhe 133,530 vota (16.78%), çka nënkupton humbjen e një deputeti në krahasim me projeksionet e mëhershme. Partia Demokratike e Kosovës (PDK) renditet e dyta me 22 ulëse dhe 155,321 vota (19.52%), ndërsa Aleanca për Ardhmërinë e Kosovës (AAK) siguron 7 ulëse me 53,664 vota (6.74%). Rezultatet ende nuk janë përfundimtare, por trendi aktual tregon se votat e diasporës kanë qenë vendimtare në konsolidimin e mandatit të 53-të për VV-në, duke ndryshuar balancën e fundit të mandateve në Kuvend. AlbKosova,Kosova,Lajme,Kosova,Lajme,Lajme,Lajme,Lajme,AT Balkani,DE Balkani,CH-Ballkani,E-Diaspora932424E martë, 16 Qershor 2026 - 23:41https://www.albinfo.at/wp-content/uploads/2026/05/0ba52617e1ba18be68f20a1604ef3e3e-150x150.pnghttps://www.albinfo.at/austriaket-kurdisin-zilen-e-ores-ne-6-te-mengjesit-kombetarja-nis-te-merkuren-rrugetimin-ne-boteror/Austriakët tashme ka kurdisur zilen e orës në 6 të mëngjesit. Jo për të shkuar në punë dhe as për në shkollë, por për të përcjell kombëtarën e tyre e cila fillon ndeshjen e parë në kampionatin botëror. Edhe pak orë kanë mbetur, kur pas 28 vitesh,kombëtarja e Austrisë, do të rikthehet në fushën e Kupës së Botës. Në ndeshjen e tyre hapëse të Grupit J, skuadra kombëtare austriake do të përballet me Jordanin, debutuese e Kupës së Botës, Ndeshja do të zhvillohet të mërkurën herët në Santa Clara, me fillim në orën 6:00 të mëngjesit. Një fitore ndaj Jordanisë do të përfaqësonte një hap të rëndësishëm drejt raundit të 32-shave, madje edhe para ndeshjeve të tjera të Grupit J kundër Argjentinës dhe Algjerisë Trajneri i Austrisë, Ralf Rangnick, po përjeton debutimin e tij personal në Kupën e Botës dhe po mundohet të sjell lojtarët më të përgatitur në fushë.l, shkruan albinfo.at. Me një renditje botërore prej 25 vendesh, Austria hyn në këtë ndeshje si favorite e qartë, pasi ka fituar të tre ndeshjet e saj ndërkombëtare këtë vit. Megjithatë, Rangnick paralajmëron të mos nënvlerësohet kundërshtari. “Jordania është gjithçka përveçse një kundërshtar i lehtë, i pakrahasueshëm me San Marinon\", tha trajneri i Austrisë duke shtuar: “E dimë rëndësinë e kësaj ndeshjeje, se është vendimtare, dhe pikërisht kështu do t’i qasemi”, tha trajneri Ralf Rangnick për mediat austriake. Ndër pyetjet që mbeten për formacionin titullar të Austrisë është se kush do ta zëvendësojë të dëmtuarin Christoph Baumgartner. Carney Chukwuemeka, Paul Wanner dhe Sasa Kalajdzic konsiderohen kandidatë. Ky i fundit ka qenë në formë të shkëlqyer gjatë seancave stërvitore të ekipit kombëtar austriak dhe për këtë arsye ka të ngjarë të jetë një kandidat për rolin e sulmuesit. Ndeshjen mes Austrisë dhe Jordanisë sipas biletave të shitura, pritet ta përcjellin rreth 65 mijë shikuesAlbBotërori 2026,Lajme,Shkurt.at,Lajme,Jeta në Austri,Sport932421E martë, 16 Qershor 2026 - 23:26https://www.albinfo.at/wp-content/uploads/2024/06/kombetarja_stervitet_austri_stegersbach_dita3_photo_gerald_shehu_1-scaled-1-150x150.jpghttps://www.albinfo.at/kriza-e-lindshmerise-ne-evrope-cfare-tregoi-eksperimenti-15-vjecar-i-hungarise/Hungaria është shndërruar në një nga vendet më të studiuara për politikat e nxitjes së lindshmërisë, duke zbatuar për më shumë se një dekadë një sërë masash financiare si kredi pa interes, ulje taksash dhe subvencione për çiftet që angazhoheshin të kishin fëmijë, sipas BBC. Në fillim, këto politika sollën një rritje të lehtë të lindshmërisë, por më pas tendenca u përmbys, duke rikthyer rënien dhe duke ngritur dyshime për efektivitetin afatgjatë të tyre. Që nga viti 2010, nën qeverinë e ish-kryeministrit Viktor Orbán, çiftet e reja kanë përfituar kredi pa interes, mbështetje për banesa, automjete më të mëdha dhe stimuj të tjerë financiarë, me kusht që të angazhoheshin për të pasur fëmijë. Shkalla e lindshmërisë në vend u rrit nga 1.25 fëmijë për grua në vitin 2010 në 1.59 në vitin 2020, por më pas filloi të bjerë sërish, duke arritur në 1.31 në vitin 2025, vetëm pak më lart se niveli fillestar. Sipas ekspertëve, këto politika mund të kenë nxitur kryesisht lindje të përshpejtuara që çiftet do t’i kishin realizuar gjithsesi, pa arritur të ndryshojnë prirjen afatgjatë të rënies demografike. Demografi Tomas Sobotka thekson se faktorë si pasiguria ekonomike, konfliktet, inflacioni dhe mungesa e besimit në të ardhmen ndikojnë më shumë në vendimin për krijimin e familjes sesa stimujt financiarë. Kritikët e modelit hungarez thonë gjithashtu se ai ka favorizuar kryesisht çiftet e martuara dhe familjet me të ardhura të qëndrueshme, ndërsa në qytetet e mëdha ndikimi i ndihmës financiare ka qenë më i kufizuar për shkak të kostos së lartë të jetesës. Ndërkohë, studiues të ndryshëm sugjerojnë se investimet në shërbime publike si kujdesi shëndetësor, arsimi dhe çerdhet kanë efekt më të madh në rritjen e lindshmërisë sesa subvencionet direkte. Ata theksojnë edhe rëndësinë e politikave që lehtësojnë balancën mes jetës profesionale dhe asaj familjare. Rasti i Hungarisë shihet si një shembull që tregon se mbështetja financiare mund të sjellë rezultate afatshkurtra, por nuk mjafton për të ndryshuar trendet demografike pa reforma më të thella sociale dhe ekonomike. Sipas të dhënave të bankës qendrore hungareze, rreth një në pesë çifte që përfituan kredi të lidhura me lindjen e fëmijëve nuk arritën të kenë fëmijë brenda afateve të përcaktuara, duke u përballur më pas me kthimin e fondeve ose penalitete shtesë.AlbLajme,Bota932416E martë, 16 Qershor 2026 - 23:00https://www.albinfo.at/wp-content/uploads/2026/06/jarmoluk-baby-428395_1920-150x150.jpghttps://www.albinfo.at/operatoret-turistike-ne-sarande-paralajmerojne-ndikim-te-protestave-ne-turizem/Operatorët turistikë në Sarandë kanë ngritur shqetësime se protestat dhe tubimet masive gjatë sezonit veror mund të ndikojnë negativisht në imazhin e Shqipërisë dhe rrjedhimisht në ecurinë e turizmit. Këto deklarata u bënë gjatë një takimi konsultues mbi sezonin turistik, ku përfaqësues të sektorit diskutuan mbi rezervimet, politikat e çmimeve, cilësinë e shërbimeve dhe sfidat që shoqërojnë muajt e verës, transmeton albinfo.ch. Kryetari i Shoqatës së Industrisë së Turizmit në Sarandë, Arben Çipa, tha se sezoni po vijon në nivele të mira, por theksoi se zhvillimet në terren dhe çdo faktor që ndikon në imazh mund të reflektohet në vendimmarrjen e turistëve të huaj. Sipas tij, turizmi është një sektor që mbështetet fuqishëm te perceptimi vizual dhe imazhi i destinacionit, ndaj pamjet e protestave të transmetuara ndërkombëtarisht mund të ndikojnë në zgjedhjet e vizitorëve. Ndërkohë, në ditët e fundit në vend janë zhvilluar edhe protesta nga qytetarë dhe grupe të ndryshme, të cilat kërkojnë përmirësim të kushteve sociale dhe ekonomike, duke vijuar me tubime në disa qytete kryesore. Pjesëmarrësit në këto protesta kanë theksuar se do të vazhdojnë reagimet e tyre deri në adresimin e kërkesave. Edhe pse protestat konsiderohen një e drejtë demokratike, operatorët turistikë vlerësojnë se periudha e sezonit veror nuk është momenti më i përshtatshëm për organizimin e tubimeve të mëdha, pasi mund të krijojnë perceptim negativ për destinacionin turistik. Në takim u raportua gjithashtu për disa anulime të kufizuara rezervimesh, ndërsa u theksua nevoja për forcimin e cilësisë së shërbimeve dhe ruajtjen e imazhit pozitiv të Shqipërisë si destinacion turistik. Në përfundim, operatorët dhe pjesëmarrësit u dakorduan që fokusi kryesor duhet të mbetet mbarëvajtja e sezonit dhe promovimi i turizmit si një nga sektorët kyç të ekonomisëAlbShqipëria,Shqiperia,Shqiperia,Shqipëri,Lajme,Lajme,Lajme,Lajme,AT Balkani,DE Balkani,Turizëm,CH-Ballkani932413E martë, 16 Qershor 2026 - 22:40https://www.albinfo.at/wp-content/uploads/2022/07/ksamil3-1.jpg